Айни дамда "Марсель"да ижарада ҳаракат қилаётган "Арсенал" ҳимоячиси Вильям Салиба ёзда жамоасини ўзгартириши мумкин, дея хабар берди "Calciomercato".
Маълумотларга кўра, футболчига "Реал", "Интер" ва "Милан" қизиқиш билдирмоқда. Улар аллақачон ҳимоячининг трансфери борасида "канонирлар" раҳбарияти билан алоқага чиқишган. "Арсенал" Салибани 30 миллион евро эвазига сотиб юборишга рози.
Жорий мавсум 20 ёшли франциялик марказий ҳимоячи Лига 1нинг 21 ўйинида майдонга тушган ва 2 бор огоҳлантириш ишлаб олган.