«Манчестер Юнайтед» бош мураббийи Ральф Рангник яримҳимоячи Жесси Лингард нима учун қишки трансфер ойнасида бошқа жамоага ўтмаганини ҳақида гапирди.
«Душанба куни кечқурун директорлар кенгаши менга Лингард жамоада қолишни кераклигини айтди. Бу қарор Гринвуд туфайли қабул қилинди», - дейди Рангник.
31 январь куни Sky Sport нашри Рангник Лингарднинг кетишига розилик бергани ҳақида хабар берганди.
29 ёшли футболчининг «Манчестер Юнайтед» билан шартномаси 2022 йилнинг 30 июнига қадар мўлжалланган. Трансфермаркт портали англиялик футболчини 20 миллион еврога баҳоламоқда.
Яримҳимоячи жорий мавсумда «Манчестер Юнайтед» сафида 14 та ўйинда майдонга тушиб, 2 та гол урди ва 1 та голли узатмани амалга оширди.