Тошкент "Пахтакор" ва Тошкент вилоятининг "Олмалиқ" жамоалари ўртасидаги учрашув (0:0) ни бошқариб борган фарғоналик ҳакам Султон Зайлобиддинов ЎФФ ҳакамлар қўмитаси томонидан 6 турга учрашувлардан четлатилди.
Ушбу масалага ойдинлик киритиш мақсадида ҳакамлар бўйича масъул шахс Бобур Ҳайдаров билан боғланганимизда, у ушбу маълумотни тасдиқлади.
"Султон Зайлобиддинов олти учрашувга четлатилди. Бу борада бошқа маълумот бера олмайман", деди Бобур Ҳайдаров "Stadion.Uz" нашрига берган интервьюси чоғида.
Маълумотларга қараганда, Зайлобиддинов билан биргаликда унинг ёрдамчиларидан бири ҳам четлатилган, бироқ бу маълумот тасдиқлангани йўқ.
Эслатиб ўтамиз, Тошкентдаги "Жар" стадионида бўлиб ўтган "Пахтакор" ва "Олмалиқ" жамоалари учрашувида ҳисоб очилмаганди. Янги мавсумдан бошлаб ПФЛ ҳакамлар олган баҳосини эълон қилмаётгани боис, Зайлобиддиновнинг қандай баҳо олгани борасида аниқ маълумотлар йўқ.
