"Каляьри" ҳимоячиси Хараламбос Ликояннис фаолиятини Туркияда давом эттириши мумкин, дея хабар беради журналист Николо Скира.
Манбага кўра, 28 ёшли грециялик футболчига "Фенербахче" даъвогарлик қилмоқда. Туркия клуби футболчи билан икки йиллик шартнома имзолашга тайёр, бироқ улар ҳимоячини текинга қўлга киритишмоқчи. "Каляьри" эса футболчисини сотиш орқали 2 миллион евро олишни мақсад қилган.
Жорий мавсум Ликояннис жамоаси сафида 22 ўйинда майдонга тушган.