“Бавария” ҳимоячиси Никлас Зюле кейинги мавсум фаолиятини Испания Ла Лигасида давом эттиради. Аммо унинг сўнгги манзили қайси жамоа бўлиши номаълум. Немис футболчиси бир неча ой олдин “Бавария” билан шартномасини узайтирмасликка қарор қилган ва Испания чемпионатида фаолиятини давом эттиришини билдирганди.
Марказий ҳимоячига “Реал” ва “Барселона”дан таклиф бор ва ушбу вариантларни мавсум сўнггигача кўриб чиқади.
Аввалига “Реал Мадрид”да тўп тепадиган Зюленинг собиқ жамоадоши Давид Алаба туфайли Мадрид клубининг имкониятлари юқоридек туюлганди, аммо Никлас “қаймоқранглилар” сафидаги юқори даражадаги рақобат туфайли фикридан қайтиш эҳтимоли бор.
