Осиё чемпионлар лигаси "В" гуруҳи 3-тури доирасида "Пахтакор" "жар" стадионида Қатарнинг "Ал-Арабий" клубини қабул қилди ва 3:1 ҳисобида ғалаб қозонди.
Шуниси эътиборлики, кеча ва бугун Осиё кубокларида майдонга тушган клубларимиз қатнашган барча учрашувларда шу ҳисоб қайд этилди. "Бунёдкор" "Японияда "Гамба Осака"га, "Насаф" Доҳада "Ар-Райян"га 1:3 ҳисобда имкониятни бой беришган бўлса, Фарғонада "Нефтчи" сал илгарироқ Уммонинг "Ал-Уруба" жамоаси устидан 3:1 ҳисобида ғолиб чиқди.
Учрашувга тўхталадиган бўлсак, ўйин "шерлар"нинг кичик устунлигида ўтди. Гарчи танаффусга 1:1 ҳисобида чиқиб кетилган бўлинса-да, иккинчи бўлимда "пахтакорчилар" ташаббус посангисини ўзлари томон оғдиришга муваффақ бўлишди ва рақиб дарвоасини икки бор аниқ нишонга олишди.
Ушбу ғалабадан сўнг пахтакор 4 очко жамғариб "В" гуруҳида 3-ўринга кўтарилиб олди. Тошкент вақти билан 22:45 да ушбу гуруҳнинг яна бир учрашуви – "Ал-Иттиҳод"-"Банийас" старт олади.
ОЧЛ-2012. "В" ГУРУҲИ. 3-ТУР
ПАХТАКОР (Ўзбекистон) – АЛ-АРАБИЙ (Қатар) 3:1 (1:1)
Голлар: Шерзод Каримов (10), Дилшод Шарофетдинов (76), Темирхўжа Абдухолиқов (90+3) — Леонардо Пискуличи (37)
ПАХТАКОР: Александр Лобанов, Егор Кримец, Кахи Махарадзе, Санибал Ораховац, Темурхўжа Абдухолиқов, Иракли Климиашвили (Владимир Козак – 88), Шерзод Каримов (Аббосбек Махсталиев – 70), Даврон Ҳошимов, Станислав Андреев, Алексей Николаев, Ойбек Қиличев (Дилшод Шарофетдинов – 65).
АЛ-АРАБИЙ: Ражаб Қоссим, Муҳаммад аз-Зарая, Ҳоди Оқилий, Абдулазиз Ҳотам (Арафат Джако – 77), Волид Аҳмад, Муҳаммад Салим, Леонардо Пискуличи, Мажди Сиддиқ, Абдуллоҳ Марафий, Буалим Хухий, Аҳмад Муҳаммад
Огоҳлантиришлар: Санибал Ораховац (47), Егор Кримец (51) — Мажди Сиддиқ (41), Абдуллоҳ Марафий (72), Муҳаммад аз-Зарая (81)
Бош ҳакам: Тан Хаи (Хитой)
4 апрель. Тошкент. "Жар" стадиони.
