Бугун, 4 февраль куни футзал бўйича Европа чемпионатининг ½ финал босқичи доирасидаги ўйин бўлиб ўтади. Ярим финал босқичига Россия – Украина ва Португалия – Испания жамоадари етиб келишди. Ушбу босқич доирасидаги дастлабки учрашуви Россия ва Украина терма жамоалари ўртасида бўлиб ўтди ва унда руслар 3:2 ҳисобида ғалаба қозонди.
Ўйиндаги ҳисоб 1-дақиқада Соколов томонидан очилди. 14-дақиқага келиб Афанасев россияликларнинг ҳисобдаги устунлигини 2 тага оширди. Орадан бир дақиқа ўтиб Украина терма жамоаси ҳисобни биттага қисқартирди. Гол муаллифи – Серий.
Иккинчи бўлимнинг яримда Ниязов Россиянинг 3-голини урган бўлса, Абкашин ҳисобни яна биттага қисқартирди. Ўйин охирида украинлар пенальти тепиш имкониятига эга бўлганди, аммо Шотурма ўзига берилган имкониятдан фойдалана олмади.
Баҳснинг қолган дақиқалари ҳам тенг курашлар остида кечди, бироқ бошқа гол уриш ҳеч бир жамоага насиб этмади. Шу тариқа, Россия 3:2 ҳисобида ғалаба қозониб, дастлабки финалчига айланди. Ў
Футзал. Европа чемпионати-2022, 1/2 финал.
Россия — Украина 3:2 (2:1)
Голлар. 1:0 — Соколов (1), 2:0 — Афанасев (14), 2:1 — Серий (15), 3:1 — Ниязов (30). 3:2 — Абакшин (34).
Эслатиб ўтамиз, иккинчи ярим финал Португалия – Испания жамоалари ўртасидабўлиб ўтади. Ушбу баҳс бугун Тошкент вақти билан 00:00да бошланади.
