Бугундан спортчилар Пекин-2022 медаллари учун курашни бошлашди. Тақвимга кўра, ушбу кун доирасида 6 та медаллар жамланмаси ўз эгасини топса, яна бир қатор дастурларда саралаш баҳслари бўлиб ўтади.

Режага кўра, дастлабки медаллар жамланмаси чанғи пойгасининг скиатлон дастурида аёллар ўртасида ўтадиган 15 км (7.5 + 7.5) масофада ўйналади. Шундан сўнг биатлон, конькида югуриш, трамплиндан сакраш, фристайл, шорт-трек баҳсларида ҳам дастлабки ғолибларни аниқлаб оламиз. Тақвим:

12:45 – Чанғи пойгаси (скитлон, аёллар 7.5 км)
13:30 – Конькида югуриш (аёллар, 3000 м)
14:00 – Биатлон (аралаш эстафета)
16:35 – Трамплиндан сакраш (аёллар, ўрта баландлик)
17:40 – Фристайл (могул, эркаклар)
18:25 – Шорт-трек (аралаш эстафета).

Изоҳ: Мусобақаларнинг бошланиши Тошкент вақти билан кўрсатилган.