"Барселона" ярим ҳимоячиси Френки де Йонг клуб расмий каналига берган интервьюсида "Атлетико"га қарши ўйин ҳақида тўхталиб ўтди.
"Менимча, биз ажойиб ҳолатдамиз. Биз икки ҳафтадан бери машғулот ўтказдик, тайёргарлик аъло даражада ўтди ва буни майдонда кўрсатамиз.
"Атлетико" – ажойиб жамоа. Бу қийин ўйин бўлади, лекин биз тайёргарликни якунладик ва бунинг самарасини ғалаба қозониш умидида турган мухлисларимизга кўрсатамиз.
"Атлетико" – Ла Лигадаги тўғридан-тўғри рақиб ва бу ўйин жуда муҳим, чунки бу бизга Чемпионлар лигасига йўл олиш имкониятини беради.
Ўйиндаги режамиз? Албатта, ўйиндаги режаларимиз ҳақида айта олмайман", - деди ярим ҳимоячи.
