"Бавария"нинг собиқ дарвозабони Оливер Кан жамоа дарвозабони Мануэль Нойерни ўз рекордини такрорлагани билан табриклади. Ҳозир иккаласида ҳам Германия чемпионатида 310 та ғалаба бор.
"Бундеслигада 310 та ўйинда ғалаба табриклайман Мануэль Нойер. Сен менинг рекордларимдан яна бирига тенглашдинг. Балки менга ҳеч бўлмаганда биттасини қолдирарсан", дея ҳазиллашган футболчи ўз твиттерида.
"Бавария" Германия чемпионатининг 21-турида "Лейпциг"ни мағлуб этди (3:2). 35 ёшли Мануэль Нойер 2011 йилдан бери "Бавария"да ўйнаб келмоқда. Жамоа билан бирга у 9 марта Германия чемпионлигини қўлга киритган. Икки марта Чемпионлар лигасида ғолиб чиққан.
