"Интер" дарвозабони ва сардори Самир Ханданович "Милан" билан учрашув ҳақидаги фикрлари билан ўртоқлашди. “Интер” ўйин охирида иккита гол ўтказиб юбориб, 1:2 ҳисобида мағлуб бўлди.
"Учрашув натижаси "Милан"нинг ғалабаси эмас, "Интер"нинг мағлубияти. Деярли бутун ўйин давомида ўйиннинг боришини назорат қилдик, аммо кейин бир нечта қўпол хатоларга йўл қўйдик ва жазоландик.
Ўйиннинг сўнгги 15 дақиқасини тўғри таҳлил қилишимиз керак. Биз тўғри хулоса чиқаришимиз ва нима учун ишлар режадагидек бўлмаганини тушунишимиз керак”, — деди Ҳанданович DAZN нашрига берган интервьюсида.
