"Барселона" ҳимоячиси Жерар Пике Қатарда бўлиб ўтадиган ЖЧ-2022 олдидан Испания терма жамоасига қайтиши мумкинлиги ҳақида гапирди.
"Ҳа, мен Испания терма жамоасини тарк этдим, лекин бу эшикни охиригача ёпишни истамадим. 99% эҳтимол билан Испания терма жамоасига қайтмайман. Лекин мен 100% ҳақида гапирмаган бўлардим", дейди футболчи.
35 ёшли ҳимоячи 2009 йилдан 2018 йилгача Испания терма жамоасида ўйнаган. Терма жамоа таркибида 2010 йилги жаҳон чемпионати ва 2012 йилги Европа чемпиони бўлган.