«Барселона» ҳимоячиси Дани Алвес Испания Ла Лигасининг 23-тур учрашуви доирасидаги «Атлетико»га қарши баҳсда майдондан четлатилди. Шу тариқа, бразилиялик футболчи Испания чемпионатида қизил карточка олган энг кекса иккинчи футболчига айланди. Бу ҳақда журналист Педро Мартин твиттердаги саҳифасида хабар берди.
Испания чемпионатида қизил карточка олган энг кекса футболчи «Валенсия»нинг собиқ ҳимоячиси Амедео Карбони бўлиб, у 2004 йилда 38 ёшу 321 кунлигида қизил карточка олган эди. Алвес айни пайтда 38 ёшу 276 кунлик.
«Барселона» 22 учрашувда 38 очко жамғарган ва Испания Примераси турнир жадвалида 4-ўринда бормоқда.
