Каталониянинг «Барселона» клуби ҳимоячиси Дани Алвеш 23-тур доирасида «Атлетико» (4:2) жамоасига қарши ўйинда кўрсатилган қизил карточка ҳақида фикр билдирди.
Учрашувнинг 69-дақиқасида бразилиялик ҳимоячи "Атлетико" футболчиси Янник Карраскони болдирини босиб юборди. Беллашув бош ҳақами Хесус Хиль Мансано ВАР тизимига мурожаат қилиб, Алвешга қизил карточка кўрсатди.
«Ўйлайманки, бу жуда қаттиқ қарор. Оёғимни қўйгани бошқа жой йўқ эди.
Мен унга оғриқ етказганимдан дарҳол хавотирга тушдим», – деди Алвес.