Кеча, 6 февраль куни Испания чемпионати 23-тури доирасида "Барселона" – "Атлетико" учрашуви бўлиб ўтди. Унда майдон эгалари 4:2 ҳисобида ғалаба қозонди.
"Атлетико" 2015 йилдан бери биринчи марта биринчи бўлимда 3 та гол ўтказиб юборди. Айнан ўша йили ҳам "Алтетико" 3 та голни "Барса"га қарши Кубок ўйинида қабул қилиб олган эди.
Бундан ташқари, "матрасчилар" Симеоненинг ўн йиллик фаолияти давомида атиги 3 марта бир учрашувда 4 та гол ўтказиб юборди. Кечаги ўйин натижасидан ташқари Мадрид суперклуби Ла Лигада охирги марта 2012 йилнинг декабрида "Барса"дан 4 та голни қабул қилиб олган.
