Kecha, 6 fevral kuni Ispaniya chempionati 23-turi doirasida "Barselona" – "Atletiko" uchrashuvi bo‘lib o‘tdi. Unda maydon egalari 4:2 hisobida g‘alaba qozondi.
"Atletiko" 2015 yildan beri birinchi marta birinchi bo‘limda 3 ta gol o‘tkazib yubordi. Aynan o‘sha yili ham "Altetiko" 3 ta golni "Barsa"ga qarshi Kubok o‘yinida qabul qilib olgan edi.
Bundan tashqari, "matraschilar" Simeonening o‘n yillik faoliyati davomida atigi 3 marta bir uchrashuvda 4 ta gol o‘tkazib yubordi. Kechagi o‘yin natijasidan tashqari Madrid superklubi La Ligada oxirgi marta 2012 yilning dekabrida "Barsa"dan 4 ta golni qabul qilib olgan.
