Уэйн Руни 2010 йили «Манчестер Юнайтед»да юз берган муаммо ҳақида гапирди.

«Ўша йили менга беш йиллик шартнома таклиф қилишди. Биз Карлос Тевесни, Криштиану Роналдуни сотгандик, шу сабабли, мен кафолат олишни хоҳлагандим. Келаси беш йил давомида жавобгарликни ўз бўйнимга олишимни хоҳласангиз, менга кафолат тақдим қилинг, дедим. Таркибни кучайтириш учун кимни сотиб олишимизни сўрадим. Ажойиб жамоа ташкил қилиш ва муваффақиятга эриши учун уч, тўрт ёки беш йил давомида ҳаракат қиламизми, деб савол бердим.

Мен бу гапларни том маънода Фергюсонга айтдим. Шундан кейин у мени хонадан чиқиб кетишимни талаб қилди (кулади)! Шубҳасиз, у барча замонларнинг энг яхши мураббийи, шу сабабли, ёш йигит келиб унга шу каби саволни берадиган бўлса, албатта унинг жаҳли чиқиши аниқ. Эҳтимол мен унга нисбатан ҳурматсизлик қилгандек туюлар, лекин мен буни шахсий амбициям туфайли қилгандим», - деди Руни.