Дортмунднинг "Боруссия" клуби ярим ҳимоячи Жуд Беллингем билан янги шартнома имзолашга шошилмоқда.

Ўйинчига Премер-лигадан қизиқиш борлиги ҳақида хабарлар бор. Football Insider нашрининг хабар беришича, дортмундликлар амалдаги шартномаси 2025 йилда тугайдиган 18 ёшли футболчига “Ливерпуль” қизиқиш билдираётганидан хавотирда.

"Ливерпул"дан ташқари, "Манчестер Юнайтед" ва "Челси" ҳам футболчини кузатиб боришяпти.

Беллингем Дортмундга "Бирмингем Сити"дан 25 миллион фунт стерлинг эвазига ўтган эди ва ўшандан бери унинг барқарор ўйинлари туфайли унинг қиймати сезиларли даражада ошди.