«Сампдория» жамоасининг 29 ёшли польшалик ҳимоячиси Бартош Берешиньски билан шартномани узайтирди, дея хабар бермоқда Генуя клуби матбуот хизмати.
Қайд этилишича, польшалик футболчининг янги шартномаси 2024/25 йилги мавсум якунига қадар мўлжалланган. Берешиньски «Сампдория»да 2017 йилдан буён ўйнаб келмоқда ва шу вақт ичида 158 та ўйинда майдонга тушишга муваффақ бўлди.
Жорий мавсумда польшалик А Серияда 22 та ўйин ўтказиб, ўзининг иккита голли узатмаси билан ажралиб туришга муваффақ бўлди.
Польшанинг барча ёшдаги терма жамоалари учун у 36 та ўйин ўтказиб, битта голга ассистентлик қилган.