«Барселона» бош мураббийи Хави Эрнандес Ла Лиганинг 23-тури доирасида «Атлетико Мадрид»ни мағлуб этганидан сўнг (4:2), Каталония клубининг жорий мавсумдаги асосий мақсади ҳақида гапирди.
«Айни дамда асосий мақсадимиз Чемпионлар лигасига йўл олиш. Математик жиҳатдан имкониятлар мавжуд экан, биз ҳеч нарсани истисно қилмаймиз.
Мен ҳали ҳам таркибимиздан ва янги харидлардан жуда мамнунман», деди Хави ўйиндан кейинги матбуот анжуманида.
Эслатиб ўтамиз, «Атлетико»ни мағлуб этган «Барселона» турнир жадвалида 4-ўринга кўтарилиб олди.
