«Barselona» bosh murabbiyi Xavi Ernandes La Liganing 23-turi doirasida «Atletiko Madrid»ni mag‘lub etganidan so‘ng (4:2), Kataloniya klubining joriy mavsumdagi asosiy maqsadi haqida gapirdi.
«Ayni damda asosiy maqsadimiz Chempionlar ligasiga yo‘l olish. Matematik jihatdan imkoniyatlar mavjud ekan, biz hech narsani istisno qilmaymiz.
Men hali ham tarkibimizdan va yangi xaridlardan juda mamnunman», dedi Xavi o‘yindan keyingi matbuot anjumanida.
Eslatib o‘tamiz, «Atletiko»ni mag‘lub etgan «Barselona» turnir jadvalida 4-o‘ringa ko‘tarilib oldi.
