"Реал"нинг собиқ бош мураббийи Бернд Шустер "Бавария" клубининг чемпионлар лигаси ярим финалида мадридликлар билан бўладиган икки ўйиндаги имкониятларини баҳолади.
"Бавария"нинг кучи "Реал" билан тенг эмас. Айниқса, марказий ҳимояда. Серхио Рамос ва Пепелар Бадштубер ва Жером Боатенгдан анча кучлилар. Шунинг учун "Бавария" қандай қилиб "Реал" билан курашмоқчи, тушунмайман.
Ўз навбатида бу жамоаларнинг ярим ҳимоя ва ҳужум чизиқларида фарқ кўрмаяпман. Дарвозабонларга келсак - Касильяс ҳам, Нойер ҳам дунё миқёсидаги посбонлардир.
"Бавария" учун Хаби Алонсони ёпиб қўйиш ҳаммасидан муҳим, у "Реал"нинг ҳимояси ва ҳужумини боғлаб турадиган ўйинчи. "Бавария"да бу вазифани Тони Кроос бажаради. Хаби Алонсони ёпиб қўйиш - Озилни ёпиб қўйишдан кўра фойдалироқ", - ея Шустернинг сўзларини келтиради Kicker.
