Лондоннинг "Челси" клуби хўжайини Роман Абрамович ёзда 113 миллион евро эвазига сотиб олинган ҳужумчи Ромелу Лукакудан кўпроқ нарсалар кутмоқда.
The Telegraph хабарига кўра, миллиардер белгиялик футболчининг лондонликлар сафида эртага бўладиган клублар ўртасидаги жаҳон чемпионатида қандай иштирок этишини диққат билан кузатиб боради.
Бизнесмен “Челси” бош совринни қўлга киритишини истайди, ҳужумчи эса буни амалга ошириш учун ўз ҳиссасини қўшиши керак.
Қайд этилишича, Абрамович Лукаку билан бўлган шов-шувли интервюдан кейин юзага келган вазиятда бош мураббий Томас Тухелни қўллаб-қувватлаган.
