Англия Премьер-лигасининг 24-туридан ўрин олган ўйинда "Ньюкасл" "Эвертон"ни мағлуб этди (3:1).

36-дақиқада “қарғалар” ҳимоячиси Жамаал Лассельес тўпни ўз дарвозасига киритиб қўйди, бир дақиқадан сўнг “ирислар” ҳимоячиси Мейсон Холгейт автогол муаллифига айланди. 56-дақиқада Райан Фрейзер “Ньюкасл”ни ҳисобда олдинга олиб чиққан бўлса, 80-дақиқада Киран Триппьер учрашувнинг якуний ҳисобини ўрнатди – 3:1.

Шу тариқа, “Эвертон” Френк Лэмпард бошчилигидаги иккинчи ўйинда мағлуб бўлди. Бунгача “ирислар” Англия кубогида “Бретфорд”ни мағлуб этишган эди (4:1).

“Эвертон” 19 очко билан турнир жадвалида 16-ўринда, “Ньюкасл” эса 18 очко билан 17-ўринда бормоқда.

“Ньюкасл” — “Эвертон” – 3:1

Голлар: 0:1 – 36, автогол Ласселс, 1:1 – 37, автогол Холгейт, 2:1 – 56 Фрэйзер, 3:1 – 80 Триппьер.

“Ньюкасл” – Дубравка, Триппьер (Манкильо, 90), Шер, Ласселс, Таргетт, Шелви, Уиллок (Бруно Гимараэс, 90), Фрэйзер (Мерфи, 82), Сен-Максимен, Вуд, Жоэлинтон.

“Эвертон” – Пикфорд, Коулмэн, Кин, Мина (Брэнтуэйт, 35), Холгейт, Таунсенд, Аллан, Андре Гомеш (ван де Бек, 60), Грэй (Алли, 25), Ришарлисон, Гордон.

Огоҳлантиришлар: Холгейт (14), Шелви (33), Андре Гомеш (47), Шер (50), Аллан (79).