Angliya Premyer-ligasining 24-turidan o‘rin olgan o‘yinda "Nyukasl" "Everton"ni mag‘lub etdi (3:1).

36-daqiqada “qarg‘alar” himoyachisi Jamaal Lasselyes to‘pni o‘z darvozasiga kiritib qo‘ydi, bir daqiqadan so‘ng “irislar” himoyachisi Meyson Xolgeyt avtogol muallifiga aylandi. 56-daqiqada Rayan Freyzer “Nyukasl”ni hisobda oldinga olib chiqqan bo‘lsa, 80-daqiqada Kiran Trippyer uchrashuvning yakuniy hisobini o‘rnatdi – 3:1.

Shu tariqa, “Everton” Frenk Lempard boshchiligidagi ikkinchi o‘yinda mag‘lub bo‘ldi. Bungacha “irislar” Angliya kubogida “Bretford”ni mag‘lub etishgan edi (4:1).

“Everton” 19 ochko bilan turnir jadvalida 16-o‘rinda, “Nyukasl” esa 18 ochko bilan 17-o‘rinda bormoqda.

“Nyukasl” — “Everton” – 3:1

Gollar: 0:1 – 36, avtogol Lassels, 1:1 – 37, avtogol Xolgeyt, 2:1 – 56 Freyzer, 3:1 – 80 Trippyer.

“Nyukasl” – Dubravka, Trippyer (Mankilyo, 90), Sher, Lassels, Targett, Shelvi, Uillok (Bruno Gimaraes, 90), Freyzer (Merfi, 82), Sen-Maksimen, Vud, Joelinton.

“Everton” – Pikford, Koulmen, Kin, Mina (Brentueyt, 35), Xolgeyt, Taunsend, Allan, Andre Gomesh (van de Bek, 60), Grey (Alli, 25), Risharlison, Gordon.

Ogohlantirishlar: Xolgeyt (14), Shelvi (33), Andre Gomesh (47), Sher (50), Allan (79).