Лондоннинг «Вест Хэм» клуби ҳимоячиси Курт Зума мушукни калтаклаётгани акс этган видеоси ижтимоий тармоқларда пайдо бўлганидан кейин муаммолар исканжасига тушиб қолди.
Шунга қарамасдан, жамоа бош мураббийи франциялик футболчини майдонга туширди. Мухлислар эса Мойеснинг бу қароридан норози бўлишди. Норвегиялик мутахассис эса ўзининг бу қарорини тушунтириб берди.
- Содир бўлган воқеадан ғазабдамиз, ҳеч ким Зуманинг бу ҳаракатини оқламайди. Ўйлайманки, Зума бундан ўзига керакли хулосани чиқариб олди. Унинг майдонга тушгани ҳақида гапирадиган бўлсам, менга керакли натижани қўлга кирита оладиган таркиб керак эди. Мухлисларнинг норозилигини тушунаман. Курт бўлиб ўтган воқеа учун мендан кечирим сўради, мен уни тингладим ва қарор қабул қилдим. Биз ишлашда давом этишимиз, керакли натижаларни қўлга киритиш учун олдинга қадам ташлашимиз ва бегона нарсаларни четга суришимиз керак, - деди Мойес BBC Sport билан суҳбатда.
«Вест Хэм» айни пайтда 40 очко жамғарган ҳолда турнир жадвалининг 4-поғонасида бормоқда.