Londonning «Vest Xem» klubi himoyachisi Kurt Zuma mushukni kaltaklayotgani aks etgan videosi ijtimoiy tarmoqlarda paydo bo‘lganidan keyin muammolar iskanjasiga tushib qoldi.

Shunga qaramasdan, jamoa bosh murabbiyi fransiyalik futbolchini maydonga tushirdi. Muxlislar esa Moyesning bu qaroridan norozi bo‘lishdi. Norvegiyalik mutaxassis esa o‘zining bu qarorini tushuntirib berdi.

- Sodir bo‘lgan voqeadan g‘azabdamiz, hech kim Zumaning bu harakatini oqlamaydi. O‘ylaymanki, Zuma bundan o‘ziga kerakli xulosani chiqarib oldi. Uning maydonga tushgani haqida gapiradigan bo‘lsam, menga kerakli natijani qo‘lga kirita oladigan tarkib kerak edi. Muxlislarning noroziligini tushunaman. Kurt bo‘lib o‘tgan voqea uchun mendan kechirim so‘radi, men uni tingladim va qaror qabul qildim. Biz ishlashda davom etishimiz, kerakli natijalarni qo‘lga kiritish uchun oldinga qadam tashlashimiz va begona narsalarni chetga surishimiz kerak, - dedi Moyes BBC Sport bilan suhbatda.

«Vest Xem» ayni paytda 40 ochko jamg‘argan holda turnir jadvalining 4-pog‘onasida bormoqda.