2001-2009 йилларда "Милан"га мураббийлик қилган ва бугунги кунда Франциянинг "ПСЖ" клубини бошқараётган Карло Анчелотти ўзининг собиқ кулби "Милан" жамоасининг "Барселона"га қаршиии кечган учрашуви ҳақида фикр билдириб ўтди.
Мутахассис "Барселона" футболчилари бугунги кунда ҳақиқатдан ҳам юксак спорт формасида эканлигини таъкидлади.
"Милан" дунёнинг энг кучли клубига қарши қўлидан нима келса ҳаммасини бажарди, — деди Анчелотти La Gazzetta dello Sport нашрига берган интервьюсида. — Тан олиш керак, бугунги кунда каталонияликларга фақатгина "Реал" Мадрид қаршилик кўрсата олади".
52 ёшли мураббийнинг фикрича, "Милан" скудетто учун курашда "Ювентус" қаршилигини енгиб, чемпионликни ўзида сақлаб қола олади: "Икки очколик фарқ албатта яхши, лекин, "Милан" қолган учрашувларнинг барчасида ғалаба қозониши шарт ва якунда менимча россонерилар чемпионликни қўлга киритишади".
