Германияда чемпион жамоа номини аниқлаш учун плей-офф тизимини жорий қилиш кенг муҳокама қилинмоқда. Бундай таклиф Германия футбол федерациясининг янги раҳбари Доната Хопфен томонидан берилди.

«Жадвалнинг юқори қисмида рақобатчилар кўп бўлса, Бундеслига албатта қизиқарли бўлади. Бунда бизга плей-офф ёрдам берса, буни муҳокама қиламиз», — деди Хопфен.

"Бавария" директорлар кенгаши раҳбари унинг сўзларига ўз муносабатини билдирди:

«Бундеслига учун плей-оффни жорий қилиш каби янги моделлар ҳақида ўйлаш мен учун қизиқ. Ҳаттоки Европа чемпионлар лигасининг формати 2024 йилдан бошлаб ўзгаради. Бундеслигада ярим финал ва финал босқичи мухлисларнинг катта қизиқишига сабаб бўлади. Шунинг учун ушбу ғояни ривожлантириш мумкин. «Бавария» эса янги ғоялар учун ҳамиша очиқ».