"Арсенал"нинг собиқ футболчиси Майкл Томас Букайо Сака ҳақида фикр билдирди. У шундай дейди:
"Сака ёш ва ажойиб футболчи. Унда катта иқтидор мавжуд. Яқин келажакда дунёнинг энг яхшилари қаторида айнан Сака каби футболчилар бўлади. Агар "Арсенал" ўз ўйинини мақсадларига яраша амалга оширмаса, у ҳолда Сакани каттароқ ва кучлироқ клублар олиб қўйиши мумкин. Шунга қарамай, мен "Арсенал"нинг тўғри йўлда эканига ишонаман. Сака эса жамоанинг бир бўлаги ва мухлислар умиди".
Эслатиб ўтамиз, "Арсенал" айни дамда 39 очко билан бешинчи ўринни банд этган.
