"Бавария" ҳимоячиси Рафинья Дртмунднинг "Боруссия" жамоаси билан кечаётган чемпионлик пойгаси ҳақида фикр билдирди.
"Бу ерда ҳар бир очко муҳим. Биз ҳар бир ўйинда ғалаба қозонаверсак, "Боруссия"ни шошириб қўйишимиз мумкин. Лекин рақибларимиз ҳам биздан очко тортиб олишга ҳаракат қиладилар", - дея Рафиньянинг сўзларидан иқтибос келтиради Goal.com.
Эслатиб ўтамиз Германия бундеслигасида "Бавария" 28 ўйиндан сўнг 60 очко билан иккинчи ўринда бормоқда, пешқадам - "Боруссия"да эса шунча ўйиндан сўнг 63 очко бор.
Бугун "Бавария" "Аугсбург"ни қабул қилса, "Боруссия" "Вольфсбург" меҳмони бўлади.
Бундеслиганинг тўлиқ жадвали билан танишмоқчи бўлсангиз мана бу жойга босинг.
