"Барселона" ярим ҳимоячиси Френки де Йонг ёзги трансферлар вақтида жамоасини ўзгартириши мумкин. Бу ҳақда "Bild" нашри хабар берди.

Маълумотларга кўра, "Ливерпуль" ва "Бавария" айни пайтда футболчининг атрофидаги вазиятни жиддий кузатиб боришмоқда. Улар агар ярим ҳимоячи клубини ўзгартирмоқчи бўлса, унга таклиф билан чиқишга тайёрлигини маълум қилган.

Эслатиб ўтамиз, 24 ёшли нидерландияликни "кўк-анорранглилар" билан амалдаги шартномаси 2026 йилда якунига етади. Де Йонг Ла Лиганинг жорий мавсумида 18 ўйинда майдонга тушиб, 2 гол ва яна шунча голли узатмани амалга оширди. "Transfermarkt" портали уни 70 миллион еврога баҳолаган.