Ўзбекистон профессионал футбол лигаси директори Диёр Имомхўжаев жорий мавсум Суперлиганинг тақвими масаласида гапирди.
"Ўйинларнинг шанба ва якшанба кунларига тўғри келмаётгани кучли бешлик билан боғлиқ. Май сўнгига қадар Спорт-ТВ ва УзРепорт кучли бешлик учрашувларини трансляция қилади. Айнан ўша вақтда биз Суперлига учрашувларини ўтказсак, ТВ дастурлар, мухлислар эътибори, реклама берувчилар каби масалаларда ютказиб қўямиз.
Учрашувлар дам олиш кунлари ўтаётган бўлса-да, ўйинлар иш вақтига тўғри келмайди. Биз шундай босқичга етиб келдикки, энди прожектори йўқ стадионларда Суперлига учрашувлари ўтказилмайди. Шундан келиб чиқиб, учрашувларни 18:00 дан эрта бошлаш ниятида эмасмиз.
Биз фақатгина халқаро тақвим мажбур қилган ҳолатдагина, шунингдек, июнь, июль, август ойларидагина учрашувларни шанба-якшанба кунларига белгилашга ҳаракат қиламиз", - дейди Имомхўжаев ўз телеграм каналида.
