Италия «А» Сериясида 31-тур баҳслари якунига етди. Турнинг сўнгги учрашуви Римнинг «Лацио» ҳамда Неаполнинг «Наполи» клублари ўртасида бўлиб ўтди.

Баҳс 3:1 ҳисобида римликлар фойдасига ҳал бўлди. Кандрева, Маури ва Ледесма томонидан киритилган голларга Вальтер Маццари шогирдлари фақат бир марта жавоб бера олишди. Ушбу ғалабадан сўнг Эдуардо Рея жамоаси мусобақа жадвалида, «Удинезе»дан ўзиб кетиб, учинчи ўринга кўтарилиб олди.

Турнинг дастлабки ўйинлари доирасида «Милан» ўз майдонида «Фиорентина»га имкониятни бой берган бўлса, «Ювентус» сафарда «Палермо»ни мағлубиятга учратган эди.

Италия «А» Серияси, 31-тур
7 апрель, шанба
ЛАЦИО - НАПОЛИ 3:1 (1:1)
ГОЛЛАР: Кандрева (9), Маури (68), Ледесма (81-пенальти) — Пандев (34).