Маълум бўлишича, "Манчестер Юнайтед" ярим ҳимоячиси Поль Погба келажаги борасида ҳали бир қарорга келмаган. Аввалроқ Британия матбуоти француз футболчиси мавсум якунида эркин агент сифатида Туманли Альбионни тарк этишга тайёрлиги ҳақида хабар берганди, бироқ сўнгги пайтларда вазият бироз ўзгарди.

Бунга сабаб мураббийлар штабининг ишончи бўлиб, Погбани ахиллес жароҳатидан тикланганидан сўнг дарҳол манкунианликларнинг асосий таркибидан жой олди. Бу футболчининг фикрини ўзгартирган бўлиши мумкин.

Бир қанча маҳаллий манбалар ярим ҳимоячининг фикри ўзгариши ва яқин кунларда “МЮ” билан шартнома узайтириши мумкинлигига шаъма қилди. Эслатиб ўтамиз, ҳозирда Погбага фақат "ПСЖ" қизиқиш билдирмоқда.