“Ньюкасл” ҳимоячиси Киран Триппьер Англия чемпионатининг 25-турида “Астон Вилла”га қарши ўйинда (1:0) жароҳат олди.

Клуб матбуот хизматининг хабар беришича, 31 ёшли футболчининг оёғи синганлиги аниқланган. Қайта тиклаш шартлари айтилмаган, бироқ Триппьер бўлажак ўйинларни ўтказиб юбориши қайд этилган.

“Ньюкасл” январ ойи бошида Триппьер билан шартнома имзолаган ва инглиз футболчиси “қарғалар” сафида 4 та ўйинда майдонга тушиб, 2 та гол уришга эришди. Шунингдек, футболчининг “Эвертон” ва “Астон Вилла”га қарши ўйинларда киритган голлари жамоасига ғалаба тақдим этганини ҳам таъкидлаш керак.