Месси ўтган ёзда “ПСЖ”га кўчиб ўтган ва "Реал"га қарши ўзининг ёрқин фаолиятида биринчи марта "Барселона" либосида майдонга тушмайди.

Етти карра “Олтин тўп” соҳиби ҳали “ПСЖ” либосида ўз ўйинининг чўққисига чиқмаган бўлса-да, унга эсда қоларли дақиқаларини тақдим этган рақиб билан учрашувда ҳар доимгидек ўзини кўрсатишга ҳаракат қилади.

Қуйида Мессининг "Лос Бланкос"га қарши ўйинларда қайд этган натижлари билан танишиб чиқамиз.

Месси фаолиятидаги барча рақибларга қараганда "Реал"га кўпроқ тўқнаш келган ва сешанба кунги биринчи ўйин унинг "қаймоқранглилар" билан 46-учрашуви бўлади.

Аргентиналик маэстро бу учрашувларда 40 та голда бевосита ҳисса қўшди, 26 та гол урди ва 14 голга ассистентлик қилган. “ПСЖ”нинг 30-рақамли футболчиси Чемпионлар лигасидаги энг муваффақиятли жамоага қарши ўз фаолиятида иккита хет-трик қайд этган.

Мессининг 26 та голи "Эль Класико" рекорди бўлиб қолмоқда, балки ҳеч қачон янгиланмас. У фақат "Севилья", "Атлетико Мадрид", "Валенсия" ва "Атлетик Бильбао"га қарши ўйинларда кўпроқ гол урган.

Месси ўз фаолиятида "Севилья", "Леванте" ва "Хетафе"га қарши ўйинларда ҳам кўпроқ голли узатмани амалга оширди. Месси "Реал"га қарши ўйинда 14 та сариқ карточка олган эди. Бу бошқа рақибларга қараганда кўпроқ - аммо уларнинг ҳеч бирини у четлатиш билан якунланмади.

Месси "Лос Бланкос" билан олдинги 45 учрашувнинг 19 тасида ғалаба қозонган, 11 тасида дуранг ва 15 тасида мағлуб бўлган. Аргентиналик юлдуз Чемпионлар лигасида "Реал Мадрид"га мағлуб бўлмаган ва ўшанда "Барселона" ва "Реал Мадрид" 2010/11 йилги ярим финалда тўқнаш келган.

Месси ўзининг энг эсда қоларли голларидан бирини Бернабеудаги (УЕФА Чемпионлар Лигаси) ўйинида урди ва бу якунда "Барселона"га финалда ғалаба қозониш имкониятини берди.

Мессининг "Реал Мадрид"га қарши яна бир машҳур лаҳзаси 2020 йилнинг апрель ойида, у "Барселона" учун ўзининг 500-голини уриб, сўнгги дақиқада ғалабани илиб кетган 3:2.

Месси бутун фаолияти давомида Мадрид клубининг “ажали” бўлган бўлса-да, унинг "Эль Класико"даги голлари "Барселона"даги фаолиятининг охирига келиб камайиб кета бошлади.

Ҳақиқатан ҳам, 34 ёшли футболчи "Реал" билан барча мусобақалар доирасидаги сўнгги етти учрашувнинг бирортасида ҳам гол ура олмади, охирги марта 2017/18 йилги мавсумда у гол урганди.

Месси сешанба куни бўладиган баҳсда яна бир бора “Реал Мадрид” мухлисларини ранжитишга уриниб кўради.