Янги мавсумга тайёргарлик доирасида режалаштирилган ўқув-йиғин машғулотларини Туркиянинг Анталья шаҳрида ўтказиб, юртимизга қайтган "Нефтчи" футбол клуби аъзолари уч кунлик таътилдан сўнг бугундан Фарғонада йиғилиб, тайёргарликнинг учинчи босқич жараёнини ўташга киришди.

Илҳом Мўминжонов бошчилигидаги мураббийлар штаби қўл остида ўтказилган машғулотлар куннинг иккинчи ярмида Қиргулидаги "Нефтчи"СК стадионида олиб борилди.Туркия йиғинларидан сўнг қисқа таътилга ўз юртига жўнаб кетган легионер футболчиларнинг шу кунларда Фарғонага келиб, машғулотларга қўшилишлари кутилмоқда.