Yangi mavsumga tayyorgarlik doirasida rejalashtirilgan o‘quv-yig‘in mashg‘ulotlarini Turkiyaning Antalya shahrida o‘tkazib, yurtimizga qaytgan "Neftchi" futbol klubi a’zolari uch kunlik ta’tildan so‘ng bugundan Farg‘onada yig‘ilib, tayyorgarlikning uchinchi bosqich jarayonini o‘tashga kirishdi.
Ilhom Mo‘minjonov boshchiligidagi murabbiylar shtabi qo‘l ostida o‘tkazilgan mashg‘ulotlar kunning ikkinchi yarmida Qirgulidagi "Neftchi"SK stadionida olib borildi.Turkiya yig‘inlaridan so‘ng qisqa ta’tilga o‘z yurtiga jo‘nab ketgan legioner futbolchilarning shu kunlarda Farg‘onaga kelib, mashg‘ulotlarga qo‘shilishlari kutilmoqda.
