"Реал Мадрид"нинг бразилиялик ҳужумчиси Винисиус Жуниор ўзининг ўйин услуби ҳақида гапирди.

"Менинг услубим характеримга боғлиқ. Мен хато қилишдан қўрқмайман, агар бирор ҳаракатим амалга ошмаса, ҳаракат қилишда давом этаман. Мен завқ билан ўйнайман.

Ўйлайманки, мен кўп ютуқларга эришдим, лекин мен кўпроқ нарсани қила оламан, чунки мен ҳали ёшман ва бу ерда ўйнаётган буюк футболчилардан кўп нарса ўрганяпман.

Мен жуда хурсандман, чунки бу ерда ҳамма менга имкон қадар ёрдам беришга ҳаракат қилмоқда", - дейди Винисиус.

Бразилиялик футболчи жорий мавсум Ла Лигада 22 та ўйинда майдонга тушиб, 12 та гол урди ва 5 та голга ассистентлик қилди.