"Real Madrid"ning braziliyalik hujumchisi Vinisius Junior o‘zining o‘yin uslubi haqida gapirdi.

"Mening uslubim xarakterimga bog‘liq. Men xato qilishdan qo‘rqmayman, agar biror harakatim amalga oshmasa, harakat qilishda davom etaman. Men zavq bilan o‘ynayman.

O‘ylaymanki, men ko‘p yutuqlarga erishdim, lekin men ko‘proq narsani qila olaman, chunki men hali yoshman va bu yerda o‘ynayotgan buyuk futbolchilardan ko‘p narsa o‘rganyapman.

Men juda xursandman, chunki bu yerda hamma menga imkon qadar yordam berishga harakat qilmoqda", - deydi Vinisius.

Braziliyalik futbolchi joriy mavsum La Ligada 22 ta o‘yinda maydonga tushib, 12 ta gol urdi va 5 ta golga assistentlik qildi.