Мадриднинг “Реал” клуби бош мураббийи Карло Анчелотти жамоа вингери Гарет Бэйл ҳақида фикр билдирди.
"Бейл ҳеч қачон жамоадошларига ҳурматсизлик қилмаган. У машқларда яхши ҳаракат қиладиган профессионал футболчи.
Гарет "Реал Мадрид"даги фаолиятини муносиб тарзда тугатишни истайди. У клубга Чемпионлар лигасида ғалаба қозонишга ёрдам берган ва бошқа муҳим ишларни амалга оширган... Ўйлайманки, "Реал Мадрид"даги яхши якун унинг фаолияти учун ижобий бўлади", - деди Анчелотти.
Эслатиб ўтамиз, бугун, 15-дан 16 февралга ўтар кечаси, Тошкент вақти билан 01:00 да ЕЧЛ ⅛ финалидан ўрин олган "ПСЖ" — "Реал Мадрид" учрашувининг дастлабкиси бўлиб ўтади.
