Италиянинг "Милан" клуби бош мураббийи Массимилиано Аллегри ўзининг келажаги борасидаги миш-мишларга эътибор қаратмаслигини таъкидлаб ўтди.

Италиялик мутахассис "Фиорентина"га қарши кечган ва миланликларнинг аламли мағлубияти билан якунланган ўйиндан сўнг бир қатор ОАВга берган интервьюсида ўз келажагидан ҳавотир олмаётганини билдирди.

"Мен башорат қилишни ёқтирмайман. Агар "Милан" чемпионликни қўлга кирита олмаса менинг истъефога чиқишим мумкинлиги ҳақидаги гап-сўзлардан ташвишга тушаётганим йўқ., дейди Аллегри.

"Мен ҳозир умуман ортиқча нарсалар ҳақида ўйлаётганим йўқ. Айни дамда бутун диққат-эътиборимни олдинда турган муҳим ўйинларга қаратмоқчиман. Олдинда яна 7 тур бор. Ҳамма нарса бўлиши мумкин. Биламан, кўпчилик "Милан"нинг мағлубиятга учрашини кутганди. Мана шундай ҳам бўлди. Энди ортга йўл йўқ. Қолган ўйинларнинг барчасида ғалаба қозонишимиз керак", дея Аллегрининг сўзларидан иқтибос келтирмоқда Football Italia.