"Манчестер Сити" бош мураббийи Роберто Манчини клуб Адебайорнинг бошқа жамога ўтишига қаршилик қилмаслигини таъкидлади ва бу футболчига ҳозир ижарада ўйнаётган "Тотенҳем"дан ташқари бир қатор клублар қизиқаётганини ҳам қўшимча қилди.
Тоголик бу футболчининг трансфер суммаси 24 миллион фунт стерлинг туради. Ушбу мавсумда Адебайор "шпорлар" таркибида Англия чемпионатининг 28 учрашувида 13 та гол урган ва 11та голга ассистентлик қилган.
- Адебайор ажойиб футболчи, мен унинг учун хурсандман, - Манчинининг сўзларини келтиради Sky Sports. - У яхши йигит ва футболчи. Агар у "Тоттенҳем"да қолишни истаса, "шпорлар" уни сотиб олишлари мумкин. Бундан ташқари бир қатор клублар унга қизиқиш билдирмоқдалар, хоҳлаган клуб уни сотиб олиши мумкин. Бироқ, "Манчестер Сити"да унинг келажаги йўқ, ахир бизда тўртта ҳужумчи бор ва унга жой топилмайди.
