Лондоннинг «Челси» клуби келаси ёзда «Севилья» ҳимоячиси Жюль Кунде билан шартнома имзолашига ишонмоқда.
Бу ҳақда Испаниянинг Marca нашри хабар бермоқда. Эслатиб ўтамиз, ўтган ёзда «кўклар» Андалусия жамоаси билан шартнома туза олмаганди, чунки клуб спорт директори Мончи 80 миллион евро миқдоридаги товон пулини талаб қилганди.
Кунде хизматларига Европанинг бошқа клублари ҳам қизиқиш билдирмоқда, жумладан, «Манчестер Сити» ҳам. Қайд этилишича, футболчининг ўзи «Челси»га ўтмоқчи ва «кўклар» устози Томас Тухель билан ҳамкорлик қилишдан манфаатдор.
Кунде жорий мавсум «Севилья» сафида Ла Лиганинг 19 ўйинида 1 та голли узатма муаллифи бўлди.
