Хабарингиз бор, янги мавсумга тайёргарликнинг иккинчи босқич йиғинини Туркияда тамомлаб, кечадан Фарғонада йиғилиб, тикланиш машғулотларини ўтказган "Нефтчи" футболчилари бугундан бошлаб кунига икки маҳалдан шуғулланиш жараёнига киришдилар.
Қиргулидаги қароргоҳ стадионида олиб борилган эрталабки машғулотларда жамоа сафига келиб қўшилган легионер футболчилар иштирок этишди ва шуғулланиш жараёнида асосий урғу футболчиларнинг жисмоний ҳолатини яхшилаш ва кучайтириш бўйича юкламаларга қаратилди.