Айни дамда "Олд Траффорд" Англия Премьер-лигасининг 33-туридан ўрин олган "Манчестер Юнайтед" ҳамда "КПР" жамоалари ўртасидаги учрашув бўлиб ўтаяпти.
Биринчи бўлимда Уэйн Руни томонидан киритилган гол "МЮ"нинг навбатдаги рекордини қайд этди.
"Манчестер Юнайтед" Премьер-лигада ўз майдонидаги кетма-кет 46-учрашувда рақиблар дарвозасини ишғол этди ва бу борада Лондоннинг "Арсенал" жамоаси 2001-2003 йиллар давомида қайд этган натижасини такрорлади. "Арсенал" ўша йилларда ўз майдонидаги кетма-кет 46 та ўйинда рақиблар дарвозасини ишғол эта олганди.
"Манчестер Юнайтед" "Олд Траффорд"даги кейинги учрашувда ҳам рақиб дарвозасини ишғол қила олса бу рекордни янгилайди.
Эслатиб ўтиш лозим, "МЮ" "Олд Траффорд"даги кейинги учрашувни 15 апрель куни "Астон Вилла" жамоасига қарши ўтказади.