"Уотфорд"нинг собиқ бош мураббийи Клаудио Раньери Чемпионлар лигасида қайси жамоаларни фаворит деб билиши ҳақидаги саволга жавоб берди.

“Ливерпуль”, “Манчестер Сити” ва “Челси” – Чемпионлар лигаси фаворитлари. Шунингдек, "Реал Мадрид" - "ПСЖ" жуфтлигидан қайсидир жамоа мусобақани тарк этади. Ушбу қарама-қаршилик ғолибини ҳам эсдан чиқармаслик керак. Мен Клоппни яхши биламан, бир пайтлар мени унинг машғулотларини томоша қилишга таклиф қилишган. Юрген жуда хушчақчақ одам”, дея фикр билдиради Раньери.

Кеча, 15-феврал куни “Манчестер Сити” Чемпионлар лигаси 1/8 финали биринчи ўйинида “Спортинг”ни мағлуб этди (5:0). 1/8 финалнинг яна бир учрашувида “ПСЖ” ўз майдонида "Реал"дан 1:0 ҳисобида устун келди.

Бугун, 16 феврал куни “Ливерпуль” сафарда “Интер” қарши майдонга тушади. "Челси" эса 22 феврал куни ўз майдонида "Лилль"ни қабул қилади.