"Барселона" бош мураббийи Хави раҳбарият билан тортишиб қолган Усмон Дембелени ҳақида гапирди. Эслатиб ўтамиз, аввалроқ франциялик футболчи мавсум охирида тугайдиган шартнома узайтиришдан бош тортган эди.
“Ишончим комилки, Дембеле мавсумнинг қолган қисмида муҳим ўйинчимиз бўлади. Унинг шартномадаги ҳолати умумий вазиятга таъсир қилмайди”, - деди Хави Европа лигаси 1/16 финали доирасидаги “Наполи”га қарши ўйин олдидан ўтказилган матбуот анжуманида.
Эслатиб ўтамиз, Дембеле учун асосий даъвогарлардан бири Лондоннинг "Челси" жамоаси бўлиб, унинг устози Томас Тухель Дортмунднинг "Боруссия" клубида бирга ишлаган футболчи билан шартнома имзолашни истамоқда.
