«Атлетико» устози Диего Симеоне Ла Лига доирасида «Леванте» (0:1) жамоасидан қабул қилиб олинган мағлубият ҳақида фикр билдирди.

– Ўйинни ёмон ўтказдик ва Ла Лигада ўзимизга яхши вазият яратиб олиш имкониятини бой бердик. Энди уни тузатиш учун икки баробар кўп меҳнат қилишимиз керак.

– Бу мағлубиятдан хафа бўлдингизми?

– Ҳар бир мағлубият албатта оғир ботади. Ҳар бир муваффақиятсизлик доим муаммо ва оғриқ олиб келади.

– Футболчиларга кийиниш хонасида нима дедингиз?

– Бугун кийиниш хонамиз тинч бўлди. Бу ҳақда эртага гаплашиб оламиз ва уларнинг ҳис-туйғуларини билиб оламиз, шундан кейин сизга бу ҳақда айтаман.

Кўпчилик энди биз учун ЕЧЛга йўлланма берадиган ўрин ёпилганини айтмоқда, бироқ, мен бундай демайман. Лекин буни фактлар билан исботлаш керак. Қуруқ гап – зерикарли.

– Мухлисларга нима деган бўлардингиз?

– Биз тушунтиришга лойиқ вазиятдамасмиз. Мухлисларга натижа керак.

– Нимани ҳис қиляпсиз?

– Жуда ажойиб имкониятни бой бердик. Мураббийлар штаби ҳам, футболчилар ҳам совуққонлик, камтарлик ва хотиржамлик билан олдинга қараш керак. Бор ҳақиқатни қабул қилишимиз керак, – деди Симеоне.